Ақтөбе облысының полициясы 1 мыңнан аса «көңіл көтеретін газ» баллондарын тәркілеген.
Айта кетейік, биыл 1 қаңтардан бастап Қазақстанда бұл баллонды қолдануға заң аясында тыйым салынған. Оны сатып, таратқандар қылмыстық жауапкершілік арқалайды. Ал, Ақтөбедегі аса ірі көлемдегі партия Қазақстанға көрші елден келген көрінеді.
«Ақтөбе облысындағы қоймадан екі жүк цистерна және 1033 баллон азот тотығы (оксиді) тәркіленді. Аталған заттар Қазақстан Республикасының аумағына Ресей Федерациясынан жеткен», — деп хабарлайды полиция.
«РЕСЕЙДЕН ЖЕТКЕН»: АҚТӨБЕ ПОЛИЦИЯСЫ АСА ІРІ КӨЛЕМДЕ ҚАУІПТІ АЗОТ ТОТЫҒЫН ТӘРКІЛЕДІ
