Бұл сұраққа Тимур Сүлейменов жауап берді. Оның сөзінше, Берік Шолпанқұлов өз өтінішінің негізінде қызметінен кетті. Одан басқа алып қосар ештеңе жоқ деді Ұлттық банк төрағасы.
Сонымен қатар ол 7 триллион теңгеден астам қаржыны аудару дерегіне қатысты тексеру жүріп жатқанын жеткізді.
Бұған дейін Шолпанқұлов қазақстандық банктердің бірінен 7 триллион теңгеден астам қаржыны аудару туралы ақпаратқа пікір білдірген еді. Сол кезде ол президент айтқан 7 триллион теңге міндетті түрде заңсыз қаражат шығару дегенді білдірмейтінін, бұл жай ғана «жалпы айналым» болуы мүмкін екенін айтқан. Алайда ол осы сөзінен кейін қызметінен кетті.
ҰЛТТЫҚ БАНК ТӨРАҒАСЫНЫҢ ОРЫНБАСАРЫ НЕЛІКТЕН ҚЫЗМЕТІНЕН КЕТТІ
