АҚШ-та Израилдің Газадағы қырғынына қарсы наразылық акциясына шыққан екі мыңнан астам студент тұтқындалды. Жергілікті полиция жастарды оқу орындары алаңдарынан күшпен кетіріп жатыр. Индиана университетінің төбесіне мерген қойылса, Виржинияда студенттерге қарсы көз жасаурататын газ қолданылды.
Ал, Лос-Анджелесте Израиль жақтастары Калифорния университетіндегі бейбіт шеруге шыққан студенттерге шабуыл жасап, ондаған адамды жарақаттаған. Бірақ, полиция да, оқу орнының қауіпсіздік қызметі де оларға араша түсіп, бұзақыларды ұстамаған. Еске салсам, 34 штатта 70-тен астам универсиеттің жастары көшеге шығып, бір аптадан бері АҚШ билігінен Израилді қаруландыруды тоқтатуды талап етіп жатыр.
