Қазақстан Республикасы Сауда және интеграция министрінің 2025 жылғы 23 желтоқсандағы № 362-нқ бұйрығына сәйкес, әлеуметтік маңызы бар азық-түлік тауарларының тізбесі қайта бекітілді. Бұл өзгерістерге сәйкес, әлеуметтік маңызды азық-түлік тауарларының саны 19-дан 31-ге дейін көбейді.
Мұндағы мақсат – әлеуметтік маңызы бар өнімдер бағасының тұрақтылығын қамтамасыз ету және бағаның негізсіз өсуіне тосқауыл қою.
Қолданыстағы заңнамаларға сәйкес, әлеуметтік маңызы бар азық-түлік тауарларына үстеме бағаның мөлшерін 15 пайыздан арттыру айыппұл салуға алып келеді:
— жеке тұлғаларға, шағын кәсіпкерлік субъектілерге – 5 АЕК;
— орта кәсіпкерлік субъектілерге – 35 АЕК;
— ірі кәсіпкерлік субъектілерге – 150 АЕК.
Егер заң бұзушылық бір жыл ішінде қайталанса, айыппұл мөлшері екі есе артады.
Қазіргі таңда сауда нүктелеріне бақылау күшейтілуде. Әр кәсіпкер әлеуметтік маңызды азық-түлік тізіміндегі тауарларға белгіленген 15 пайыз шекті сауда үстемесін сақтауы тиіс.
ӘЛЕУМЕТТІК МАҢЫЗДЫ АЗЫҚ-ТҮЛІК ТАУАРЛАРЫНЫҢ ТІЗІМІ ЖАҢАРТЫЛДЫ
