Сауд Арабиясының қасиетті Медина қаласын алапат су тасқыны жайлады. Шаһарда толассыз жауын жауған. Мұнда құрғақ әрі ыстық ауа-райына байланысты суағарлар жоқ. Сол себепті көшелерді тез су басып, өзенге айналған. Тасқыннан инфрақұрылым зардап шегіп, қоғамдық көліктер су астында қалды. Жергілікті билік тұрғындарды аймақтар арасындағы жолдарда абай болуға шақырды.
Қасиетті қала Мединаның көшелері көлге айналды. Оған толассыз жауын себеп. Соның салдарынан шаһардың инфрақұрылымына айтарлықтай зиян келген. Қазір билік өкілдері тұрғындарды мейлінше абай болуға шақырып жатыр. Айта кетейік, Медина шөлді аймақта орналасқандықтан, дренаж жүйесі мүлдем қарастырылмаған.
