Астанада асқабақты ашытқысыз нанның ішінен ұстара жүзі табылған. Әйел ол нанды «Қазмедиа» ғимаратында «Атамекен» ҰКП қатысқан «Бір ауыл – бір өнім» көрмесінен алғанын айтты. Сөзінше, ол зейнеткер сатушыны қолдағысы келіп, нанды 1500 теңгеге сатып алған. Үйге келген соң нанды кескен кезде ішінен ұстара жүзі шыққан.
Әлеуметтік желі қолданушылары бұл жағдайға байланысты тексеріс жүргізуді талап етіп, Санитариялы-эпидемологиялық қызмет пен полицияға жүгінуге кеңес берді. Сатып алушы сатушымен байланысқан. Олар нанға өрнек салу үшін қолданылатын ұстара жүзі жұмысшылардың абайсызда түсіп кетуі мүмкін екенін айтып, кешірім сұраған.
