Бурабай ауданының Щучинск қаласында тұрғын үйдің астыңғы бөлігінде орналасқан «Центр плова» мейрамханасында газ-ауа қоспасы жарылып, өрт шықты.
Хабар түскеннен кейін 5 минутта ТЖД қызметкерлері оқиға орнына жетті. Өрт сөндірушілер ғимараттан 8 газ баллонын шығарып, 10-нан астам адамды құтқарды.
Алдын ала мәліметке сай, шамамен 20 адам зардап шеккен, 6 адам қаза тапқан. Сол сәтте мейрамханада 80 адам болған.
Өрт толық сөндірілді, үйінділерді тазарту жұмыстары жүріп жатыр.
