Алаяқтар мессенджерлер мен әлеуметтік желілерде күмәнді сілтеме жібереді, жалған қосымша ұсынады немесе фото, видео, құжат сияқты файл жолдайды. Кейде банк, мемлекеттік орган не жеткізу қызметі атынан хабарласып, акцияға немесе ұтысқа қатысу үшін қосымша орнатуды сұрайды.
«Егер адам мұндай қосымшаны орнатса, алаяқтар телефонға толық қол жеткізіп, банк картасынан ақша ұрлауы, адамның атынан онлайн несие рәсімдеуі, жеке мәліметтерін көшіріп алуы немесе телефонды бұғаттап, ақша талап етуі мүмкін», – делінген хабарламада
Телефон тез отырып қалса, қатты қызып кетсе немесе белгісіз қосымшалар пайда болса, бұл вирус белгісі болуы мүмкін. Мұндай жағдайда интернетті бірден өшіріп, банкке хабарласып, полицияға жүгіну керек.
