Ақтөбе облысының Байғанин ауданында болған жол-көлік оқиғасы салдарынан бес адам қаза тапты, олардың арасында кәмелетке толмаған бала да бар.
Алдын ала мәлімет бойынша, ВАЗ жеңіл көлігі мен DAF жүк көлігі соқтығысқан. Соққының салдарынан жеңіл көліктің жүргізушісі мен төрт жолаушысы алған ауыр жарақаттарынан оқиға орнында көз жұмған. Өкінішке қарай, қаза тапқандардың ішінде бала да болған.
Полицияның хабарлауынша, жүк көлігінің жүргізушісі зардап шекпеген. Қазіргі уақытта жол апатының нақты себептері анықталып жатыр.
