Алматы әкімдігінде сейсмикалық қауіпсіздік және жұмылдыру дайындығы басқармасын құру процесі қандай кезеңде жүріп жатқаны туралы хабарлады, деп хабарлайды тілші AdiletTV
Редакцияның жаңа басқаруға қатысты сауалына Алматы әкімдігінде хабарлағандай, қазіргі уақытта басқарманың құрылтай құжаттарын бекіту және тіркеу жұмыстары жүргізілуде. 21 ақпан мен 6 наурыз аралығында ашық НҚА интернет-порталында талқыланған, сондай-ақ Алматының қоғамдық кеңесі қараған және сыбайлас жемқорлыққа қарсы сараптамадан өткен әкімдік қаулысының жобасы дайындалды.
«Басқарманың негізгі міндеттері сейсмикалық қауіпсіздік стандарттарын сақтауды қамтамасыз ету, жер сілкінісі қаупін басқару, халықты табиғи апаттар кезінде мінез-құлықтың базалық дағдыларына үйретуді ұйымдастыру, сондай-ақ ТЖ департаменттерін, полицияны, қалалық қызметтер мен ұйымдарды сейсмикалық қауіпсіздік мәселелері бойынша үйлестіру болады. Басқарма жұмылдыру дайындығы, аумақтық қорғаныс пен азаматтық қорғауды қамтамасыз ету саласындағы функцияларды орындайтын болады «, — деп хабарлады әкімдікте.
Сейсмоқауіпсіздік басқармасына қызметкерлерді жұмысқа қабылдау және оған қандай мамандар тартылатыны жөнінде әкімдіктен хабарлағандай, кандидатураға қойылатын талап жаңадан құрылатын басқарманың ережесіне сәйкес міндеттер мен функцияларға сәйкес құзыреттіліктің болуы болып табылады. Қызметкерлерді қабылдау конкурстық негізде жүргізіледі.
Еске салайық, 21 ақпанда мәслихат депутаттары қала әкімдігінде екі жаңа басқарма — сейсмикалық қауіпсіздік және жұмылдыру дайындығы басқармасы мен қоғамдық кеңістікті дамыту басқармасын құруға дауыс берген болатын.
Мұндай шешім Президенттің білікті сейсмологтар мен басқа да мамандарды даярлау, сондай-ақ сейсмикалық қауіпсіздікті қамтамасыз ету тәсілдерін қайта қарау туралы тапсырмасына байланысты болуы мүмкін.
