Өнегелі ұрпақ-өнегелі іс. Дәл осындай тақырыпта Ы.Алтынсарин атындағы №65-ші мектеп-гимназиясында мектеп түлектерімен кездесу өтті. Талай дүлділді тәрбиелеген білім ордадан түлеп ұшқан білім алушылар қызықты естеліктерімен бөлісіп, жастарға керекті кеңес берді.
Мектеп – жастардың талантын шыңдап, даналардың түлеп ұшар тұғыры. Ұлттың рухани байлығы – білімінде болса, ұстанар бағыты — тәрбиесінде. Таразы басын тең ұстаған түлектер өмірде қол жеткізген мақсат-мұраттарымен бөлісіп, ізбасарларына ақыл-кеңестерін айтты. Бүгінде бір-бір маман иесі атанған түлектердің білікті білім ошағы мен ұлағатты ұстаздарына деген ақжарма алғыстары ақтарылды.
Кездесу соңында ұрпақ тәрбиелеу жолында адал қызмет етіп келе жатқан мұғалімдерге ерекше ілтипат көрсетілді.
