Қазақстанда балалар мен жасөспірімдердің Tik-Tok әлеуметтік желісін қолдануына тыйым салу ұсынылды. Мәжілістің жалпы отырысында депутат Ерлан Саиров Премьер-Министр Олжас Бектеновке ақпараттық кеңістікті бақылау жөнінде депутаттық сауал жолдады. Аталған мәселеге байланысты Мәжіліс депутаты елде және әлемде болған бірнеше оқиға негізінде мысал келтіре отырып әлеуметтік желінің балалар үшін психикалық, физикалық жағынан қауіпті екенін атап өтті. Сондай-ақ депутат сырттан келген моральдық қауіпке төтеп беріп, ұлттық құндылықтарымызды сақтап қалу жөнінде мәлімдеме жасады.
