Ұлттық қауіпсіздік қызметі Ішкі істер министрлігімен арнайы операция жүргізіп, 20 адамды ұстады.
4 ақпанда ҰҚК ІІМ-мен бірге және Бас прокуратураның үйлестіруімен қару сақтау мен сатуға, бопсалауға, ұрланған автокөліктерді «заңдастыруға» және өзге де қылмыстарға қатысы бар бірқатар қылмыстық топтың әрекетін тоқтатуға бағытталған арнайы операция өткізген.
«Іс-шаралар бір мезетте Алматы мен Шымкент қалаларында, сондай-ақ, Ақтөбе, Алматы, Шығыс Қазақстан, Жамбыл облыстарында және Абай мен Жетісу өңірлерінде жүргізілді. 20 адам ұсталды, олардың 10-ы уақытша ұстау изоляторына қамалды», – делінген хабарламада.
Тінту барысында күдіктілерден қару, оқ-дәрі, есірткі заттары, қомақты ақша және басқа да айғақ заттар тәркіленген.
ҰҚК мен ІІМ ауқымды операция жүргізді: 20 адам ұсталды
