Шымкент қаласында қоғамдық тәртіпті қадағалау мен тазалық сақтау бағытындағы жұмыс жалғасуда. Еңбекші аудандық әкімдік пен полиция басқармасының мамандары Қарабастау тұрғын алабындағы Бадам өзенінің жағалауына жүк көлігімен құрылыс қалдығын төгу фактісін анықтады.
Жедел іздестірудің нәтижесінде заң бұзған азамат анықталып, оған қатысты тиісті әкімшілік хаттамалар толтырылды. Құқық бұзған азамат, сонымен қатар, қалдырған қалдықты өзі тазалады.
Қазіргі таңда әкімдік мамандары мен полиция қызметкерлері құрылыс қалдығын және тұрмыстық қоқысты рұқсатсыз төгудің алдын алу мақсатында кәсіпкерлік нысандардың иелері мен тұрғындар арасында күнделікті түсіндіру жұмыстарын жүргізуде.
Осыған орай қала аумағына қоқыс немесе құрылыс қалдығын рұқсат етілмеген жерге төккен тұлғалар Қазақстан Республикасының Әкімшілік құқық бұзушылық туралы кодексіне сәйкес жауапкершілікке тартылатынын ескертеміз.
Қаланың тазалығын сақтау – әр тұрғынның азаматтық борышы!
ШЫМКЕНТТЕ ӨЗЕН ЖАҒАСЫНА ҚОҚЫС ТАСТАҒАН АЗАМАТ ЖАУАПҚА ТАРТЫЛДЫ
