Канаданың батысында орман өрті 8 мың гектар аумаққа тараған. Сондықтан ел үкіметі Британдық Колумбия аймағының тұрғындарына көшу туралы бұйрық берді.
Соңғы мәліметке қарағанда, тілсіз жау үйлерге жақындап қалғандықтан, 3500-дей адам эвакуацияланды. Қазір Альберта провинциясында да орман өрті қаулап барады. Сол себепті мұнда да халыққа көшуге әзірленуге кеңес берілген. Жергілікті синоптиктердің хабарлауынша, күн тағы ысып, өрт қаупі күшеюі мүмкін.
